Ika-anim na Araw
Itaas ang iyong noong aliwalas
Ngayon, Kabataan ng aking pangarap!
Ang aking talino na tanging liwanag
ay pagitawin mo, Pag-asa ng Bukas!
- Jose Rizal, Sa Kabataang
Pilipino
(A La Juventud Filipina), 1879
Matapos mabuo ang Provisional Directorate ng Diliman Commune, nagkaroon ng mas organisadong pagkilos sa loob ng barikada. Bagama’t panandaliang nahinto ang pormal na pag-aaral sa loob ng silid-aralan, minabuti ng mga estudyante na magdaos ng “teach-ins” at “discussion groups” doon mismo sa kinatatayuan ng mga barikada. Ipinagtibay ng mga aktibidades na ito ang pagpapalawig sa depinisyon ng edukasyon sa UP – na ang pag-aaral ay hindi na lamang nahuhubog sa loob ng silid-aralan na babad sa teorya, kundi sinasaliwan ng pagsusuri sa kalagayang panlipunan at karampatang pagkilos upang ito ay mapabuti at mapalaya.
Loob
Salaysay ng Ika-anim na Araw
Tagapagsalaysay: Rex Nepomuceno
Labas
Ang ganitong perspektiba ay tumawid na sa kasalukuyang kalagayan ng edukasyon sa UP – ang kritikal na pagsusuri batay sa teorya, perspektiba at konteksto ng Pilipinas – ay nakapaloob na sa mga silabus at programa ng pamantasan. Hinihimok ang mga iskolar ng bayan na bigyang-halaga ang mga kaalamang natutunan mula sa loob, gayundin ang kaalamang makukuha sa labas ng UP – mulat sa karanasan ng mas malaking sektor ng lipunan.
Ikaw, na ang diwa’y makapangyarihan
matigas na bato’y mabibigyang-buhay
mapagbabago mo alaalang taglay
sa iyo’y nagiging walang kamatayan.
- Jose Rizal, Sa
Kabataang
Pilipino
(A La Juventud Filipina), 1879